Asosiy fan olimpiadasining viloyat bosqichiga start berildi

O‘zbekiston Respublikasi Vazirlar Mahkamasining “Iqtidorli o‘quvchilar o‘rtasida fan olimpiadalarini o‘tkazish tizimini takomillashtirish hamda xorijiy tillarni o‘qitish bo‘yicha eng yaxshi maktabni aniqlash tizimini joriy etish to‘g‘risida”gi 2019 yil 9 sentyabrdagi 562-sonli qarori asosida umumta’lim fanlari bo‘yicha asosiy fanlar olimpiadasi respublika miqyosida tizimli ravishda o‘tkazib kelinmoqda.

Xabaringiz bor, joriy yilning 12-16 oktyabr kunlari asosiy fan olimpiadasi tuman va shahar bosqichlari bo‘lib o‘tgan edi. 

Joriy yilning 3-9 noyabr kunlari asosiy fan olimpiadalarining 3 – (viloyat) bosqich, birinchi guruh fanlaridan sinovlar bo‘lib o‘tadi.

Birinchi guruh fanlaridan 9 sinfda jami 480 nafar, 10 sinflardan jami 504 nafar, 11 sinflardan jami 449 nafar o‘quvchilar ishtirok etadi.

Bilimlar sinovi Nurafshon shahridagi 1-sonli IDUMda soat 9:30da boshlanadi.

Toshkent viloyati Xalq ta’limi boshqarmasi Axborot xizmati

Boshqarmaning telegramdagi rasmiy kanaliga ulanish: @toshkentvxtb

03-11-2022