Davlat Rahbarining tashabbusi bilan bugungi kunda yurtimizda maktab ta’limini rivojlantirish tom ma’noda umumxalq harakati, umummilliy maqsadga aylandi.
Joriy yilda viloyatimizda Investisiya dasturi asosida 37 ta maktab va 17 ta maktab filiallari, "Obod qishloq" va "Obod mahalla" dasturlari asosida 17 ta maktab, viloyat hokimining qaroriga muvofiq, mahalliy byudjet mablag‘lari hisobidan 21 ta maktabda, barcha dasturlar hisobidan jami 92 ta maktablarda qurilish, rekonstruksiya va ta’mirlash ishlari olib borilmoqda.
Xalq ta’limi vaziri Toshkent viloyatidagi maktablar qurilishi bilan tanishmoqda (31-may 2022-yil)
Xalq ta’limi vaziri Toshkent viloyatidagi maktablar qurilishi bilan tanishmoqda (31-may 2022-yil)
Xalq ta’limi vaziri Toshkent viloyatidagi maktablar qurilishi bilan tanishmoqda (31-may 2022-yil)
Toshkent viloyati Bo‘ka tumani "Novobod" mahallasida yangi qurilgan maktab binosi (12-iyun 2022-yil)
Bundan tashqari joylarda yirik tashkilotlar, tadbirkorlar, maktabning sobiq bitiruvchilarining homiylik mablag‘lari hisobidan ham yangi o‘quv binosi, faollar zali, sport maydoni qurish, binolarni ta’mirlash va jihozlash ishlari ham olib borilmoqda.
Bo‘ka tumanining "Novobod" mahallasi hududida ham joriy yilda qishloq ahlining o‘z tashabbuslari bilan, hashar yo‘li bilan 250 o‘rinli, zamonaviy maktab binosi qurilish me’yorlariga mos holda qurib, bitkazildi. Bugun mazkur binoda so‘nggi tozalash, pardozlash ishlari olib borilmoqda.
Toshkent viloyati Bo‘ka tumani "Novobod" mahallasida yangi qurilgan maktab binosi (12-iyun 2022-yil)
Toshkent viloyati Bo‘ka tumani "Novobod" mahallasida yangi qurilgan maktab binosi (12-iyun 2022-yil)
Bu ishlarda ham qishloq ahli, ayollari bir tan bir jon bo‘lib, farzandlarimizning sifatli, zamonaviy ta’lim olishlari uchun sharoitlarni yaratishmoqda. O‘z navbatida mazkur yangi maktab uchun mebel, o‘quv-laborotoriya jihozlari va o‘quv-metodik ta’minot mahalliy byudjet mablag‘lari hisobidan ta’minlanadi.
Toshkent viloyati Bo‘ka tumani "Novobod" mahallasida yangi qurilgan maktab binosi (12-iyun 2022-yil)
Toshkent viloyati Bo‘ka tumani "Novobod" mahallasida yangi qurilgan maktab binosi (12-iyun 2022-yil)
Toshkent viloyati Bo‘ka tumani "Novobod" mahallasida yangi qurilgan maktab binosi (12-iyun 2022-yil)
Tumandagi mas’ullar bilan yangi o‘quv yili boshlangunga qadar jihozlash ishlarini tezda yakunlash hamda talab etiladigan jihozlar, shtat birliklarini aniqlashtirish uchun maktabda bo‘lganimizda dunyo imoratlarining eng ulug‘i bo‘lgan maktab qurish ishlari haqiqatdan ham umumxalq harakatiga aylanganligiga, xalqimiz shu kabi ezgu maqsad yo‘lida birlashsa juda ham katta bunyodkorlik ishlari amalga oshishi, yurtimiz yanada rivoj topishiga amin bo‘ldim. Bunday ezgu tashabbus yo‘lida birlashgan "Novobodlik" yurtdoshlarimizga esa juda havas qildim.
"Novobod"ga yuksalish navbati kelgani rost bo‘lsin!
Toshkent viloyati xalq ta'limi boshqarmasi
